100%200%
БҰҚАР ЖЫРАУ АУДАНЫ ӘКІМДІГІНІҢ
АҚПАРАТТЫҚ ПОРТАЛЫ

Новости области

Қарағандыда жұмыс істемейтін субұрқақтар іске қосылады

Қарағандыда жұмыс істемей тұрған үш субұрқақ іске қосылады. Жақын арада «Шалқыма» концерт залының жанында, «Арман» боулинг ғимаратының және «Бегемот» балалар ойын-сауық орталығының жанында субұрқақ жөнделеді.
Бұл туралы Қарағанды қаласының Мәдениет, демалыс саябақтары мен гүлзарлар басқармасынан хабарлады.
- Біз «Шалқыма» концерт залының жанында субұрқақта жаңа қозғалтқышты орнаттық. Су толтырылып, содан кейін іске қосу-жөндеу жұмыстарын жүргіземіз. Осы аптаның соңына дейін, сондай-ақ Әлиханов көшесінде Боулинг пен «Бегемот» жанында екі субұрқақ іске қосылмақ. Қосалқы бөлшектер жаңасына ауыстырылады, - деді Қарағанды әкімдігінің «Мәдениет, демалыс саябақтары мен гүлзарлар басқармасы» КМК өндірістік-техникалық бөлімінің инженері Әлібек Мұқашев.
Ол сондай-ақ субұрқақтар көбіне бұзақылардың әрекеттері мен жабдықтарды ұрлауға байланысты істен шыққанын атап өтті.
Өткен жылы Қарағандыда 5 субұрқақ жөнделді: Назарбаев даңғылында, қала әкімдігінің жанында, ҚР Тәуелсіздігінің 10 жылдығы мен Оңтүстік-Шығыстағы Жеңіс атындағы саябақтарда, сондай-ақ Майқұдықтағы Қазақстанның 50 жылдығы атындағы саябақта. Олар жаңа қозғалтқыштар, датчиктер, таймерлер, су асты шамдары, хлораторлық сүзу жүйелерімен жабдықталды.
 

Вернуться к списку новостей

© 2015 Информационный портал аппарата акима Бухар-Жырауского района
Яндекс.Метрика
Разработка и поддержка сайта: Интернет компания «Creatida»