Жаңалықтар
Қасиетті Рамазан айында Бұқар жырау ауылдық округіндегі игі іс шара
Елбасы Н.Ә. Назарбаевтың «Болашаққа бағдар: рухани жаңғыру» атты мақаласы аясында, Қасиетті Рамазан айында Бұқар жырау ауылдық округіне қарасты Семізбұғы ауылында зираттар қоршалды. Зиратты қоршауға бүгінде тұрып жатқан және де бұрындары ауылдан көшіп кеткен үлкені жасы бар ауыл тұрғындары жаппай қаражат жинап оның ішінде түрлі ұлт өкілдері бар осы игі іске ат салысты. «WhatsApp» желісі арқылы топ құрылып Қазақстанның түкпір-түкпірінен және шет елдерден бұрындары көшіп кеткен тұрғындары жиналып бірлігі жарасқан ел екендерін көрсетіп бақты. Семізбұғы ауылында орналасқан түрлі ұлт өкілдерінің үш зираты қоршалды. Бірлік бар елде тірлік бар дегеніміз осының айқын дәлелі.
Ендігі кезекте киіз үйлерр тігіліп 2018 жылдын 7 шілдесінде жаппай Құран бағыштау жоспарланып отыр. Бұл дегеніміз келешек ұрпаққа үлгі өнеге, қасиетті игі іс шара. Еліміздің түкпір – түкпірінде осындай игі іс шаралар атқарылып жатса нұр үстіне нұр болады.
Бұқар жырау ауылдық округінің әкімі Узденов Е.Р.