Жексенбі, 26 тамыз Қарағанды қаласының орталық саябағында Шахтерлер күніне арналған бірнеше шаралар өтеді.
Мереке «Арнаймын саған, Қарағанды» дәстүрлі байқауынан басталады. Одан кейін тұрғындарды саябақтағы басты сахнаға шақырады. Ол жерде «Қарағандының жастық шағы» ретро-концерті ұйымдастырылады. Сондай-ақ дәл осы жерде «Қайырымдылық кубогі» шарасы өткізіледі.
Сонымен қатар 26 тамыз Пришахтинскінің «Молодежный» мәдениет үйінде сағат 12.00-де «Кеншілер еңбегіне данқ пен құрмет!» концерті болады.
Осы уақытта Жаңа Майқұдық мәдениет үйінде тұрғындар вокалды-хореографиялық ансамбльдердің қатысуымен «Кеншілерге құрмет» салтанатты шарасын тамашалай алады.
Сұрыптау кентіндегі «Теміржолшылар» мәдениет үйінде «Кеншілер - Қарағанды мақтанышы».
Кешке, сағат 23.00-де орталық саябақта мерекелік отшашу басталады.