Қарағанды облысында үш басқарма басшылары тағайындалды. Кадрлық өзгерістер туралы актив жиынында өңір басшысы Ерлан Қошанов мәлім етті.
Конкурстық таңдау арқылы тағайныдалғандар: Ауыл шаруашылығы басқармасының жетекшісі болып – Апақашов Сағынжан Апақашұлы; Ветеринария басқармасының жетекшісі болып – Тұрсынбеков Қайырбек Серікұлы; Дене шынықтыру және спорт басқармасының жетекшісі болып – Карпов Дмитрий Васильевич тағайындалды.

---

Облыс әкімі жаңадан тағайындалған жетекшілер алдында тұрған жаңа міндеттерді атап өтті. Ауыл шаруашылығында – ол инвестиция мен еңбек өндірісін, экспорт потенциалын арттыру және инфляциялық үрдістерді бақылау. Ветеринария саласындағы басты мәселе – жануарларды сәйкестендіру, және де мал ауруларының алдын алу бойынша жұмыстарды күшейту.
- Спорттағы басты мәселе – мен легионерлердің аз болғанын қалаймын, жергілікті спортшылар көп болса деймін. Қомақты қаржы жұмсаймыз, сондықтан осы бағытта жұмыс жасау керек. Ол үшін бүгіннен бастап балалар мен жеткіншектер спортын дамыту керек, - деп атап өтті Ерлан Қошанов.

---

Сағынжан Апақашов 61 жаста. Үш жоғары білімі бар: Е.А.Бөкетов атындағы ҚарМУ, Нижегородск әлеуметтік-саяси университетін, Қазақ ұлттық аграрлық университетін : «Экономист», «Саясаттанушы», «Агроном» мамандықтары бойынша бітірген. Қарапайым шопаннан басқарушы қызметтерге дейін көтерілген. Егіндібұлақ аудандық әкімдігінде экономика бөлімін басқарған, «Қаражал» совхозының директоры, Қарқаралы ауданының ауыл шаруашылық бөлімінің басшысы, Қарқаралы аудан әкімінің орынбасары болған. 2011-ші жылдық қаңтар айынан бастап Қарағанды облысы ауыл шаруашылығы басқармасында басшы орынбасары болды. Соңғы уақыттарда жетекші міндетін атқарды.

---

Қайырбек Тұрсынбеков 48 жаста. Ақмола ауал шаруашылық институтын «Мал дәрігері» мамандығы бойынша бітірген. 2001-ші жылдан бастап мемлекеттік қызметте, барлық қызметі ветеринариямен байланысты. Тағайындауға дейін Қарағанды облысы ветеринария басқармасының басшы орынбасары болып қызмет атқарды.

---

Дмитрий Карпов 36 жаста. Екі жоғары білімі бар: Е.А.Бөкетов атындағы ҚарМУ «Дене шынықтыру мұғалімі, спорт бойынша жаттықтырушы» және «Құқықтану бакалавры» мамандықтары бойынша бітірген. Жеңіл атлетика бойынша еңбек сіңірген спорт шебері. «Қарағанды облысы жеңіл атлетика федерациясы» АҚ вице-президенті. Жеңіл атлетика бойынша Қазақстан Республикасы ұлттық командасының штаттағы нұсқаушы-спортшысы (Астана), «Қарағанды қаласының жеңіл атлетика бойынша олимпиадалық резервтің балалар мен жасөспірімдердің мамандандырылған спорт мектебі» ҚММ жаттықтырушы-мұғалімі болып істеген. 2015-ші жылдың қазан айынан бастап бүгінге дейін осы мектеп жетекшісі болды.