5 желтоқсанда аудандық мәдениет үйінде Ауыл шаруашылығы күні және тыңайған жерлердің игерілуіне 60 жыл толуына орай салтанатты жиын өткізілді.

Аудан әкімі Нұркен Кобжанов аудан аумағында  ауыл шаруашылық саласында еңбек еткен барлық ардагерлер мен ауылшаруашылық қызметкерлерін молшылық пен тоқшылық мерекесі – Ауыл шаруашылығы қызметкерлері күнімен құттықтап, мықты денсаулық, зор байлық, еңбекте табыс тіледі.

Мерекелік жиын әрі қарай тың игеруге қатысқан ардагерлер мен ауыл шаруашылығы қызметкерлерін марапаттау рәсімімен өрбіді.

Бұл күні ауыл өнеркәсібі қызметкерлеріне арналған, Қарағанды облысы Қали Байжанов атындағы концерттік бірлестік пен аудандық мәдениет бөлімінің қызметкерлерінің ұйымдастыруымен  музыкалық концерт өткізілді.

Аудан әкімінің баспасөз қызметі