Аринов Пасевной
1939 жылы 26 сәуірде Қарағанды облысы Ворошилов ауданы Ақжар ауылында дүниеге келген.
1962 жылы Қарағанды мемлекеттік медициналық институтын тәмамдаған соң, Пушкин учаскелік емханасының бас дәрігері болып тағайындалды.
Осы жылы аудандық ауруханасының хирург дәрігері қызметіне ауысады.
1967-2004 жылдары Димитров учаскелік ауруханасының бас дәрігері.
2004 жылдан бастап осы күнге дейін Корнеевка селосы учаскелік ауруханасының терапевт дәрігері қызметін атқаруда.
Бірінші білікті санаттағы терапевт дәрігері.
15 жыл бойы облыстық денсаулық сақтау және облыстық медицина қызметкерлері комитетінің ауыспалы Қызыл Туының иегері болды.
Ұзақ жылғы әрі нәтижелі еңбегі жоғары бағаланып, Пасевной Аринұлына «Денсаулық үздігі», «1974 жылы социалистік жарыстардың жеңімпазы» белгілері, «Құрмет белгісі» ордені, «Еңбек ардагері», «Ерең еңбегі үшін», «Владимир Ильич Лениннің туғанына 100 жыл толуына байланысты ерең еңбегі үшін», «Тыңға 50 жыл», «ҚР Тәуелсіздігіне 20 жыл» мерекелік медальдары тарту етілді. Қарағанды облысының Құрмет тақтасына енгізілді.
Қазіргі уақытта Бұқар жырау ауданы Керней селосында тұрады.
«Бұқар жырау ауданының Құрметті азаматы» атағы Посевной Ариновқа Бұқар жырау аудандық мәслихаттың 2013 жылдың 19 тамызындағы XVI сессиясының № 8 шешімімен берілді.
Ақпаратты орналастыру уақыты: 23 Қазан 2018 13:37
Ақпараттың соңғы өзгерісі: 18 Тамыз 2016 10:42
