Қарағанды облысында бизнесмендер мемлекеттік сатып алулар саласында өз білімдерін арттыра алады. Бұл бағытта оларға аймақтық Кәсіпкерлер палатасы көмектеседі,палата алаңында сатып алушылар клубы өз жұмысын бастады. Бұл республика бойынша алғашқы осындай бірлестік.
Клуб мүшелерінің алғашы кездесуі өтті. Онда кәсіпкерлерге мемлекеттік сатып алулар веб-порталының кезеңдік нұсқаулықтары берілді. Қарағанды облысы Кәсіпкерлер палатасының жобаларды сүйемелдеу бөлімінің сарапшысы Бәйкен Өміртаев порталдың қалай жұмыс жасайтынын көрсетті. Спикер мемлекеттік сатып алуларды қалай жасауға болатынын, осы саладағы мониторингтер, камералық бақылауды өткізудің ерекшеліктері жайлы баяндады.
Клубтың келесі кездесулеріне тәжірибелі сарапшыларды шақыру жоспарлануда, олар қатысушыларға тендер жайлы түсіндіреді.
Дәрістер клуб жұмысының негізгі форматы емес. Ұйымдастырушылар пікірталастар, іскерлік ойынлар мен қызықты отырыстар өткізуді уәде етті.
Клубқа кіру тегін. Отырыстар айына бір рет өткізіліп тұрады.

atameken.kz