Елбасының «Төртінші өнеркәсіптік революция жағдайындағы дамудың жаңа мүмкіндіктері» Жолдауын және «Цифрлық Қазақстан» Мемлекеттік бағдарламасын жүзеге асыру мақсатында ағымдағы жылдың 21 мамырында «Азаматтарға арналған үкімет»   Бұқар жырау ауданының әкімі аппаратының үлкен залында Мемлекеттік корпорациясы Бұқар жырау ауданы бойынша ХҚКО филиалы базасында тұрғындарға элекрондық-цифрлық қолтаңба берумен қоса электронды үкімет порталы арқылы сұранысқа ие мемлекеттік көрсететін қызметтерді алу дағдыларын үйретуге бағытталған және әлеуметтік саладағы мемлекеттік көрсететін қызметтер туралы сұрақ-жауап алу бойынша  ақпараттық-түсіндірме іс-шарасы өткізілді.

Семинарды ХҚКО филиалының мамандары және аудан бойынша мемлекеттік қызметтерді көрсететін бөлімдер өткізді.

Оған 83 адам қатысып, электронды үкіметтің порталын пайдалану бойынша дағдыларды меңгерді. Бейнероликтер көрсетіліп, ақпараттық қағаздар таратылды.

Екінші бөлімде ХҚКО қызметкерлерімен және мемлекеттік қызметтерді көрсететін бөлімдермен қатысушылар арасында пікір алмасу, сұрақ – жауап өтті.

Сұрақтарға қанағатталарлық жауаптар берілді.