Облыс әкімі Нұрмұхамбет Әбдібековтің шешіміммен Мұрат Шиғанбаев Қарағанды облысы мемлекеттік активтер және сатып алулар басқармасының басшысы қызметінен босатылды.
Бұл орынға «Б» корпусының кадрлық резервінен Мұрат Кадеков тағайындалды.
Кадеков Мұрат Шолтақұлы 1957 жылы туған. Білімі – жоғары. 1990 жылы ҚарМУ-дің экономика саласын тәмәмдаған.
Жұмыс жолын 1974 жылы Ағадыр станциясында локомотив депосының қызметкері ретінде бастаған.
1997 жылдан бері мемлекеттік қызметте. Облыстық қаржы бақылау басқармасында жауапты қызметтер атқарған.
2005-2007 жылдар аралығында Қарағанды қаласының қаржы бөлімін басқарған.
2007-2008 жылдары Қарағанды облысы экономика және бюджеттік жоспарлау басқармасы басшысының орынбасары қызметінде болған.
2008 жылдан жаңа жұмысқа тағайындалғанға дейін Қарағанды облыстық қазынашылық департаменті басшысының орынбасары қызметінде болған.

Облыс әкімінің баспасөз қызметі