Қарағандыда Ресейден келген қонақ, атақты жазушы, әдебиет бойынша Нобель сыйлығының лауреаты Александр Солженицынның ұлы Ермолай Солженицын болып қайтты.

Қудалау құрбанының ұрпағы Карлаг тарихына қызығушылығын танытты. Ол Долинка кентіндегі саяси қуғын-сүргін құрбандарын еске алу мұражайында экскурсияда болып қайтты. Ермолай Солженицын бірнеше жылдан бері «Карлаг: болашақ үшін есте сақтау» атты жоба жүзеге асырылып жатқан «Болашақ» академиясының қызметкерлерімен кездесті.
- Осыған дейін біз Ермолай Солженицынмен зхат жазысып отырдық. Ол біздің кітаптармен танысу мүмкіндігіне ие болды – біз өз баспаларымызды Сахаров орталығына жібереміз. Жоба туралы толығырақ академияның сайтынан оықп білген екен, - дейді «Болашақ» академиясының бірінші проректоры Гүлнәр Рысмағамбетова. – Кездесу ұзақ болмады. Біз қонақты кітапханаға алып бардық. Көбінесе оны «особлаг» кітаптары қызықтырды, себебі оның әкесі Александр Солженицын Степлагта болған – Екібастұздағы ерекше лагерде.
Ресейлік қонақ бұл кездесу соңғы болмайтынына уәде берді. Алдағы уақытта академияның ғалымдарымен серіктестік орнату жоспары туындады.
Ермолай Солженицын – жазушының үш ұлының үлкені, ол 47 жаста. Ол Гарвард және Пристон университеттерін «шығыс азиялық зерттеулер» және «халықаралық қатынастар» мамандығы бойынша тәмамдаған. McKinsey & Company мәскеулік кеңсесінің басқарушы серіктесі болып қызмет атқарады. Тау-кен – металлургиялық сала бойынша сарапшы.
2018-ші жылы Александр Солженицынның туғанына 100 жыл толады (1918-2008). Жазушы 1945-ші жылдың 9-шы ақпанында қамауға алынған. Майданда бола тұра ол күнделік жүргізіп, өзінің туындыларын мәскеулік әдебиетшілерге рецензияға жіберіп отырған. Ол хаттар әскери цензураның күдігін тудырған. Қамаудан соң Солженицынды Мәскеуге, Лубян түрмесіне жіберген. 7-ші шілдеде Ерекше мәжілістің сырттай үкімімен оны 8 жылға лагерлерге және өмір бойғы қудалауға тартқан. Степлагта (Қазақстан) ол 1950-ші жылдан 1953-ші жылға дейін жазасын өтеген. Сонан соң мерзімсіз қудалау басталды, ал төрт жыл өткен соң Солженицын толығымен ақталып шықты.
Фото kubolashak.kz