Бүгін, яғни 19 қаңтарда кезекті есептік кездесулер аудан әкімі Нұркен Кобжановтың қатысуымен тағы үш ауылда өткізілді.
Есептік кездесуге: аудан әкімінің орынбасарлары, аудан әкімінің кеңесшісі, жергілікті полиция қызметінің басшысы және аудандық бөлім басшылары мен ауыл тұрғындары қатысты.  
Кездесу барысында Ростовка, Самарқанд және Центральный ауылдық округінің әкімдері халық алдында 2016 жылғы әлеуметтік-экономикалық даму қорытындылары туралы баяндап, алдағы уақытқа бағытталған жоспарлары жайлы айтып берді.
Әкімдердің баяндамаларынан соң ауылдық мал дәрігері мен учаскелік полиция инспекторлары есеп беріп, ауыл тұрғындарының сұрақтарына жауап берді.
Жалпы, кездесу барысында көтерілген барлық мәселелер қаралып, әрқайсысына жеке-жеке нақты әрі тұшымды жауап берілді.