29-30 шілде Астанада «Қазақстан» спорт сарайы жанында Қарағанды, Атырау, Жамбыл облыстарының жәрмеңкесі өтеді.
Үш аймақтан елордаға 360 тонна ауылшаруашылық өнімдері жеткізіледі. Оның ішінде 101 тонна ет және ет өнімдері, 34 тонна сүт өнімдері, 10 тонна қант, 153 тонна көкөністер, 12 тонна нан-тоқаш өнімдері мен көптеген азық-түлік саудаланады.
Қарағанды облысы қымыз, бауырсақ фестивальдерін ұйымдастырады. Жәрмеңкеге келушілер «Арқа сазы» фольклорлық ансамблінің қатысуымен концертті тамашалай алады.
Өңірлік жәрмеңкелер ауылшаруашылығы өнімдерін тікелей тұтынушыға жеткізуді қамтамасыз ету мақсатында өткізіледі. Онда делдалсыз өнімдер базар бағасынан 10–15% төмен сатылады, деп хабарлайды astana.gov.kz.
Все новости региона на karaganda-region.kz
