Бүгінгі таңда жастар кәсіпкерлігі еліміздің шағын кәсіпкерлігінің маңызды саласы болып табылады. Жастарды ынталандыру мақсатында жалпы мемлекеттік және аймақтық  деңгейлерде әр-түрлі бағдарламалар енгізіліп, қолайлы жағдайлар жасалып жатыр.

Статистика комитетінде - кәсіпкерлердің жас айырмашылығына байланысты есеп жүргізілмегендіктен, жас кәсіпкерлердің экономикаға салған еңбектерімен, қызмет түрі және саны бойынша нақты мәліметтер жоқ.

Ауданның ауылдық округтерінің мәліметі бойынша 2018 жылдың І тоқсанында аудан бойынша кәсіпкерлік қызметін жүргізетін 75 жас кәсіпкер бар, оның 67-жеке кәсіпкерлер болса, 8-і шаруа қожалықтарының басшылары.

Өткен жылдың сәйкес уақытымен салыстырғанда аталмыш көрсеткіш 44,2% (23 адамға) жоғарылаған.

Ауылдық округтер арасында көрсететін болсақ:

1 Ботақара кенті – 13 ЖК;

2 Ростовка ауылдық округінде - 11 ЖК;

3 Баймырза а.о. – 8 ЖК;

4 Жаңаталап ауылында – 6 ЖК;

5 Көкпекті а.о. – 4 кәсіпкер (2-ЖК, 2-ШҚ).

Бірде-бір кәсіпкерлері жоқ 7 ауылдық оруг бар:

1. Суықсу а.
2. Тұзды а.
3. Ақбел а.
4. Белағаш а.
5. Новоузенка а.
6. Қаражар а.
7. Үміткер а.

2017 жылы «Бизнес советник» оқуын 2 адам оқыса, 2018 жылдың І тоқсанында 5 адам оқыған.

«Бастау Бизнес» курстық оқуын өткен жылы 34 жас кәсіпкер оқыған, биыл оқу курсы әлі басталған жоқ.«2017-20121 жылдарға арналған нәтижелі жұмыспен қамту және жаппай кәсіпкерлікті дамыту бағдарламасы» бойынша 2017 жылы 17 жас кәсіпкер 91 млн.теңгеге несие алып, істерін бастады Бүгінгі таңда аталмыш бағдарлама бойынша 3 адам ғана өтініш берген (Кәсіпкерлер палатасына).

«Бизнестің жол Картасы 2020» бағдарламасының бағыттарына (субсидиялау, грантты қаржыландыру) ауданымыздың жас кәсіпкерлері мүлдем жүгінбеген.

Былтырғы жылы ауданымыздың 2 жас кәсіпкері Қарағанды облысы әкімінің грантын алды (Моцный С.- Кокпекті, Канышев А. – Ботақара к.), 350 мыңнан 700 мың.теңге.

Аудан әкімінің грантын, яғни жалпы соммасы 1 млн.теңгені, ауданымыздың 5 кәсіпкері иеленді.