100%200%
БҰҚАР ЖЫРАУ АУДАНЫ ӘКІМДІГІНІҢ
АҚПАРАТТЫҚ ПОРТАЛЫ

Новости области

Қарағанды қаласындағы Жас мемлекеттік қызметші мектебінің түлектеріне дипломдар табыс етілді

Қарағандыда Жас Мемлекеттік қызметкер мектебінің түлектеріне диплом табыс етілді. Салтанатты шара Good Zone коворкинг орталығында өтті.

Түлектерді Қарағанды облысының жастар саясаты мәселелері басқармасының басшысы Нұржан Жетпісбаев пен ҚР Мемлекеттік қызмет істері агенттігінің Қарағанды облысы бойынша департаментінің басшысы Айгүл Байханова құттықтады.

Қарағанды облысында жас мемлекеттік қызметшілер мектебі 2006 жылы құрылды. Бұл ұзақ мерзімді жобаны жастар саясаты жөніндегі басқарма жүзеге асырады. Оның негізгі міндеті – мемлекеттік қызметкерлер қатарына мақсаты бар және белсенді жастар өкілдерін тарту.

- Бұл модель табысты болып табылады. Қарағандыда жас мемлекеттік қызметкерлер мектебі 12 жыл бойы жұмыс істеп келеді. Бұл жоба жастар арасында мемлекеттік қызметті насихаттауға көмектеседі. Студенттердің ең талантты және болашағы бар өкілдерін тартуда. Мектеп жұмыс істеген уақыт аралығында 300-ден астам оқушы сынақтан сәтті өтті. Оның 85-і енді мемлекеттік қызметте жұмыс істейді, - дейді Қарағанды облысының жастар саясаты мәселелері басқармасының басшысы Нұржан Жетпісбаев.

Биыл 27 түлек диплом алды. Олар «экономиканы мемлекеттік реттеу», «құқықтық реттеу», «қоғаммен байланыс» және «кәсіпкерлік негіздері» бағыттары бойынша тағылымдамадан өтті.
 

Вернуться к списку новостей

© 2015 Информационный портал аппарата акима Бухар-Жырауского района
Яндекс.Метрика
Разработка и поддержка сайта: Интернет компания «Creatida»